51 - Raha tonga anio ny Tompo

2 He ! ho simba sy ho rava
Izao rehetra àry izao,
Ka hifankahita tava
Ny natao sy ny Mpanao,
Moa ho faly ….sns.

3 Maso maro no mijery
Ilay nijaly fahizay,
Fa ny mino Azy ihany
No ho faly rahatrizay :
Moa ho faly ….sns.

4 Rehefa tonga re ny Tompo
Mba hitsara izay natao,
Hitomany ny tsy mino,
Fa hanatrika Azy ao :
Moa ho faly ….sns.

5 O ! avia re, ry Tompo !
Mba hanjaka aminay,
Hahatonga anay mpanompo
Hiara-paly Aminao :
O! avia, ô ! avia,
Fa ny olonao rehetra
Dia maniry indrindra Anao.

52 - Efa akaiky Jeso Tompo

2 Efa akaiky ny Mpamonjy
Ta-handray anao ;
Jeso Kristy mahavonjy
No sakaizanao ;
Dia tano ..sns.

3 Efa akaiky ny Mpitsara,
Izay hitsara anao ;
Jeso Kristy raiso tsara
Mba ho havanao ;
Dia tano ..sns.

4 Aza mba mangataka andro
Hibebahanao ;
He, mazava anio ny andro
Mba hidiranao :
Dia tano ..sns.

2. NY FAHATERAHANY

53 - Miposaka ny vonjy

54 - Jeso Mpamonjy, Ilay Tompon'ny aina

2 Indro ny tenin’anjely
milaza ny soa !
Teraka Jeso Mpamonjy
antsika tokoa :
O, mba derao !
Tonga ny andro vaovao,
Andron’ny Filazantsara.

3 Dia iventesonao hira
vaovao re, izany !
Tonga Jesosy hamonjy
izay mitomany :
O, mba derao !
Afaka isika izao !
Izy Mpisolo antsika !

4 Tonga ny Tompon’ny tompo
hisolo ny ory,
Ka mifohaza, ry olona
mbola matory :
O, mba derao !
Amin’ny feo vaovao,
Jeso, izay Tompo mahery !

55 - Ny andron'ny fahasoavana

2 Niova terý ny alina,
Fa teraka ny Mpamonjy,
Mamiratra re ny lanitra,
Miseho izao ny vonjy,
Ka lasa tokoa ny aizina,
Mihoby ny voavonjy.

3 Na dia ho nahay nihira re
Ny hazo an-ala rehetra,
Ka afa-mikalo ny ravina
Hidera ny Avo indrindra,
Tsy ampy ho fanandratana
Ny Tompon’ny ain-drehetra.

4 Ny feon’ny olonao izao
Misandratra, ry Jehovah,
Hidera ny fitiavanao
Sy ny indrafonao soa
Niaro ny fiangonanao
Hatramin’ny fahagola.

5 Ho an’ny tanindrazanay
Izahay re, ry Ray Tsitoha,
Ka hiditra ao an-tranon-dRay
Nomanin’Ilay Mpialoha ;
Ny olonao dia ho tafaray
Hidera Anao tokoa !

56 - Manatona Anao izao

57 - Izao Noely mamy izao

2 Velomy ny fisaorana,
Na kely monja aza,
Ka aoka izay navotana
Hiara-hankalaza
Ny Zanak’Andriamanitra,
Niala tao an-danitra
Hanafaka alahelo ;
Ry voavonjy ô ! derao Jesosy
Ilay Mpanjakanao ;
He, gaina izao ny helo !

3 Izao Andriamanitra
Dia faly amintsika :
Jesosy, Tompon-danitra,
No tonga namantsika ;
Ho re hatrany lavitra
Fa foin’Andriamanitra
Ilay sitraky ny fony
Hitondra fahoriana,
Hiari-pijaliana
Ho solon’ny mpikomy.

4 Na dia tratry ny manjo,
Izay mampiferin’aina,
Izaho tsy hamoy fo,
Fa manna-kantenaina ;
Jesosy dia Zokiko,
Ka tsy hohadinoiko,
Fa Izy tia ahy ;
Ny tenim-piadanany
No hery anohanany
Ny foko, izay manahy.

5 Haleloia, fa tapitra
Ny fahoriantsika !
Derao Andriamanitra,
Izay efa tia antsika !
O, ry fanahiko, derao
Jesosy, Izay Mpamonjinao,
Harena tsy ho lany,
Haleloia, Haleloia !
Fa azo ny Mpanavotra,
Anao ny fanjakany !

58 - Alina masina

2 Alina masina
Ny anjely midina
Ka miara-mihoby hoe :
Indro ny fiadanam-be,
:,: Jeso teraka izao :,:

3 Alina masina
Nisehoan’ny Zanaka ;
Ny mazava niposaka,
Ka ny tahotra afaka ;
:,: Mifalia izao :,:

59 - O! Mihobia, fa teraka

2 He ! tonga ny Mpanavotra
Hanafaka ny tahotra
Mamatotra ny tany,
Mitondra fiadanana,
Ka tena mampihavana
Ny lanitra aman-tany.
Indro tonga
Ny Mpamonjy mahavonjy
Ny mpanota,
Ka manaisotra ny ota.

3 Omeo voninahitra
Ny Ray, Andriamanitra,
Izay Tompom-pamonjena !
Ny Zanaka no raisonao,
Fa fananganana anao
Ny lova dia homena,
Amen, Amen !
Teny soa mamy koa,
Isika lavo koa,
Tonga zanaky ny Avo !

60 - He, faly ny fanahiko

2 Ry Jeso Zazakely ô,
Iriko mafy Hianao,
Avia re, ry Zaza,
Ny foko itoeranao
Na dia ratsy aza
Ka tsy mba mendrika Anao,
:,: Ry Jesosy ô :,:

3 Endrey ny fitiavanao,
Ry Ray, namoy ny Zanakao ;
Izahay, izay fahavalo
Ka ivesaran-keloka,
Avelanao hivalo
Ka hiditra ao an-danitra.
:,: Enga ka ho ao ! :,:

4 Endrey ny fifaliana
Tsy tratry ny fisainana
Ataon’ireo anjely
Manerana ny lanitra !
Fa any ny Noely
Hitohy tsy ho tapitra,
:,: Enga ka ho ao ! :,: