41 - Indro Jeso mandondòna eo ambaravaram-po

2 Efa novidiny lafo
Mba ho afaka hianao ;
Izy hiara-misakafo
Sy hifaly aminao ;
Fahasoavana zaraina,
Lova ampanantenaina,
Iray ny vatsy, iray ny aina
‘Ndrey, ny hasambaranao !

42 - Vohay ny varavaram-po

2 Ny teny fanasana atao
Mitondra tena aim-baovao,
Ny fahoriana manjo
Afahan’ny famindrampo.

3 Mba mihainoa, maneke,
Fa sambatra izay mandre,
Ka anjakan’ny Tompo to,
Izay feno antra, mora fo.

4 Ny andron’aina mitatao
No mahafaly fo izao,
Mamiratra sy manome
Fanantenana lehibe.

5 Ny vavahady mba vohay !
Finaritra izay mandray,
Fa tonga ilay Mpanjaka soa
Hanao ny asany tokoa.

6 Sokafany ny fo izao,
Ry Jeso, mba hidiranao,
Ny fahasoavano anie
Hananay harena be.

7 Atolotray, ry Tompo ô !
Mba hahatamana Anao ny fo,
Ny famonjena vitanao
No iankinanay izao.

43 - Manenoa, ry farara

2 Ny feony no hampifoha
Ny any am-pasana ;
Ny teniny no hamory
Ny velona rehetra ;
:,: Samy handray :,:
Ny valin’ny nataony.

3 Ny tsy mino hilazany :
“Mialà voaozona,
Mandehana, mitoera
Ao amin’ny maizina”
:,: Ry mpanota :,:
Any ny anjaranao.

4 Fa ny mino hilazany :
“Avia, notahina,
Mandrosoa, mankanesa
Ho amin’ny mazava”
:,: Io, ry mpino :,:
Indro ! ny anjaranao.

44 - Indro Jeso, mba vohay

2 Indro Jeso, mba vohay ;
Mba vohay !
Tompo tia ka mba hajao ;
Mba vohay !
Honina aminao etý,
Ho sakaiza hatrerý
Ho anao mandrakizay
Ka vohay !

3 Indro Jeso, mba vohay ;
Mba vohay !
Mbola tia ka mba vohay ;
Mba vohay !
Tena tia ka tsy mandao,
Raha ela sao dia lao ;
Moa ho lavinao izao
Ka vohay !

4 Eo am-baravaranao ;
Mba vohay !
Tsy manoa an-ditra izao;
Mba vohay !
He! mandona mora re,
Na dia Tompo lehibe ;
Efa niandry ela be
Ka vohay !

45 - He, tonga ho antsika ny Tompo mora fo

2 Hajao ny Tompontsika,
Mpanjaka lehibe,
Andriamanitsika,
Mpanala rofy be ;
Avia mba hidera,
Ry mino tsara fo !
Avia manatera
Ny saotra ao am-po.

3 Ry Tompo Zanahary !
Mihira izahay,
Fa teny mahafaly
No tonga ho anay ;
Ny andro famonjena
No andro sitrakay ;
Fanahy manantena
No ifalianay.

4 Ry Tomponay ! mandraisa
Ny haja entinay ;
Tsy volamena anefa,
Fa saotra aterinay ;
Ry Jeso Tompo soa !
Isaoranay Hianao,
Fa lehibe tokoa
Ny fitiavanao.

46 - O! ry Mpanefa ny toky rehetra

2 He ! izahay fa vahiny mandala,
Indro manenjika ny fahavalo ;
Koa henoy re ny senton’ny
olonao ;
:,: Aza ela, re :,:

3 He ! ny voavotrao dia miandry,
Na izahay na ireo nodimandry ;
Tompo, Tsinjovy ny fasan’ny
olonao ;
:,: Aza ela, re :,:

4 Ary ny zavatra eto an-tany
Samy miara-misento ihany,
Ka manantena ny mba
hihavianao ;
:,: Aza ela, re :,:

5 Mbola ho ela ve Ilay
antenaina ?
Tsia, fa akaiky izao ny
maraina ;
Koa andrandrao sy antsoy
ny Tompo hoe :
:,: Aza ela, re :,:

6 «Tsy mbola ho ela, fa faingana
Aho,
Ary hanafaka ny mitalaho».
« Eny, avia, faingàna,
ry Tompo ô ! »
:,: Aza ela, re :,:

47 - Ry Ziona, mihainoa

2 He, Ziona ravoravo,
Fa reny izao ny antso avo
Ka velona ny hobiny :
Indro, avy Kristy Tompo,
Hanafaka anay mpanompo,
Halainy hampakariny.
He, faly re ny fo !
Avia Tompo ô !
O, hosana !
Mihaingo izao hitsena Anao,
Ry Kristy, ny malalanao !

3 Hira, hoby, fiderana
Asandratray mba hitsenana
Anao, Jesosy Tompo ô !
Tsy mba misy mitomany,
Fa mirana izay mankany
Am-pampakaram-badinao ;
Mahafinaritra ny hiran-danitra
Haleloia !
Ilaozanay ny trano lay,
Miakatra ny dianay.

48 - Hevero ry mpanota ô ny andro fitsarana

2 Trompetra no ho levona
Hotsofin’ny anjely ;
Hisokatra ny fasana,
Hivory izay niely ;
Ny maty dia hatsangana,
Isika koa hakarina
Hanatrika ny Tompo.

3 Ny boky hovelarina,
Fa io no manambara
Ny asa izay miafina,
Handraisana anjara ;
Ka aza mba mihevitra
Hahazo mihodivitra
Fa fantatry ny Tompo.

4 Ry Tompo ô ! hazoninay
Ny tenim-panekena,
Ka mba arovy izahay
Hitana famonjena ;
Ny ranao sy Fanahinao
No tokinay raha avy izao
Ny andro fitsarana.

49 - Mba jereo ny Tompontsika avy ao an-danitra

2 Izay rehetra fahavalo
Efa resiny tokoa ;
Mifalia ry anjely !
Mihobia, ry olona !
:,: Haleloia :,:
Ambarao ny lazany.

3 Fony mbola teto Izy
Satro-tsilo nentiny ;
Izao ny satro-bolamena
Mendrika ny lohany
:,: Haleloia :,:
Ambarao ny derany.

4 Voaeso mafy Izy ,
Be ny fahoriany ;
Fa izao, asandratara Izy,
Ambarao ny hajany !
:,: Haleloia :,:
He, ny voninahiny !

50 - Mifohaza ry matory fa re ny feon'ny Mpamory

2 Kristy Tompo avy any,
Ka dia mangovitra ny tany
Fa be ny voninahiny.
Na ny ratsy na ny tsara
Hanatrika ilay Mpitsara,
Miandry ny anjarany
Zarainy roa izao
Ny tafavory ao ;
Ka ny tsara
Horaisiny ao Aminy,
Ny ratsy dia ariany.

3 Jeso ô ! izahay mifaly,
Na dia be ny mampijaly
Sy mahaketraka atý ;
Hianao mahay manova
Ny fahorianay ho lova
Mahafinaritra erý.
Ry fasa-maizina ô !
Ry fahavaloko !
Aiza moa ny herinao,
ny sabatrao ?
Jesosy no Mpandresy izao