2. NY ASANY AMIN’NY FAMORONANA

21 - Derao Andriamanitra

2 Ny zavatra rehetra e
Ny ranomasin-dehibe,
Ireo tendrombohitra,
Ny saha feno ahitra,
Ny hazo sy ny vorona
Ny vato sy ny zavona,
Ny voninkazo manitra,
Ny endriky ny lanitra
Dia samy tsy mijanona
Midera ny mpamorona.

3 Ry olona navotana
Mba mitsangàna faingana,
Ka miderà ny Tomponao,
Izay nanavotra anao,
Fa he, ny voninahiny
Manerana ny taniny
Tendreo ny valihanao
Ka miventesa hira vao :
Ry voavonjy ô, derao ny Ray
Mpamorona anao !

22 - Ry Rainay Izay namorona

2 Ny volana aman-kitana,
Ny biby marobe,
Ny ala maitso mavana
:,: Hitsaoka Anao anie :,:

3 Ny tany sy ny lanitra,
Ny ranomasina,
Ireo tendrombohitra
:,: Manolo-kasina :,:

4 Ny ory sy ny mpanana,
Dia fototra iray,
Fa samy asan-tanana
:,: Nataonao Tomponay :,:

5 Dia saotra no atolotray,
Anao, ka raisonao,
Fa fanomezan-ko anay
:,: Ny asan-tananao :,:

23 - Tsy misy zava-mahasoa

1 Tsy misy zava-mahasoa,
Andriamanitra ô !
Izay tsy nataonao ho anay
Mba hifalianay.

2 Tsy misy singan’ahitra,
Na ravin-kazo koa,
Izay tsy amantaranay
Fa hendry Hianao.

3 Ny kintana mazava erý
Maneho avokoa
Fa sitrakao hanafaka
Ny aizina aminay.

4 Izay rehetra tazanay
Dia voninahitrao ;
Izay rehetra takona
Milaza izany koa.

5 Ny tany sy ny lanitra
Nataon’ny herinao
Dia azo ianarana
Ny famindramponao.

24 - Ny lanitra ao ambony ao

2 Ny volana aman-kitana,
:,: Ny masoandro koa,
Ny tany aman-danitra,
Mitory avokoa. (in-3)

3 Ny andro amana alina,
:,: Milaza aminay
Fa hendry Andriamanitra,
Jehovah Tomponay. (in-3)

4 Ny tenanay, fanahy koa,
:,: Dia avy taminao
Ka mampiseho tsara koa
Ny voninahitrao. (in-3)

5 Izay rehetra vitanao,
:,: Atý sy any koa
Miara mankalaza Anao
Fa Tompony tokoa. (in-3)

3. NY FAHATSARANY AMIN’NY FITONDRANA

25 - Andriamanitra hendry

2 Andriamanitra mahay,
:,: Izao rehetra izao :,:
:,: Ka Izy no akana saina
Hahahendry antsika :,:

3 Ary isika mila saina,
:,: Hanitsy antsika :,:
:,: Amin’ny fianarana
Hanarahana Azy :,:

4 Izy no ihavian’
:,: Ny soa rehetra :,:
:,: Hiainana mandrakizay,
Ka Izy no omen-tsaotra :,:

26 - Jehovah tsy mba manadino

2 Izaho dia ravoravo
Ka midera Azy izao ;
Fahasoavanao, Ry Avo,
No namonjy hatrizao,
Fahavokisan’ny fanahy
Ary fisandratana
No hotantaninao ho ahy :
Ny foko mankalaza.

3 O, mifalia ry Israely,
Fa vonjen’ny sandriny ;
Mba matokia dia hahery
Antsoy ny Anarany :
Mpanomponao ity mitalaho,
Ka henoy ny hatako,
O, ry Mahery, inty aho !
Ny sitrakao ekeko.

4. NY FAHASOAVANY AMIN’NY FANAVOTANA

27 - Fitiavana tokoa

2 Tsy ho very, ry mahantra
Sy miferin’aina izao,
Fa ny Ray Izay feno antra,
Aoka mba hinoanao.
Sambatra ny voavela
Heloka tokoa re,
Fa Jesosy manome
Fanavaozam-po sy lela,
Hira fideram-baovao
No ho re an-dalalanao.

3 O, ry Rainay be fitia,
Mba ampio izahay,
Tsy ho kivy, tsy hania
Ao am-pandehananay,
Fa handroso mba hankany
Aminao an-danitra.
Ry Andriamanitra,
Be ny loza atý an-tany
Fa ny ranomasonay
Faohinao rahatrizay.

28 - Zanahary tsy mba tia

2 Izy dia nitady ela,
Vao nahita anao izao ;
Mifalia, tsy ho ela
Dia hody hianao.
He, ry ondry saiky very,
Ory, osa, feno fery,
Ny Mpamonjy manan-kery
Hahasitrana anao !

3 Ny ao an-danitra mifaly,
Raha misy miova fo,
Ary any ny anjely
Miramirana avokoa.
Fo marary dia tsaboiny,
Ahiahim-po vonoiny,
Fiadanana lazainy ;
Sambatra isika re !

29 - Ry foko, mitsangàna izao

2 He ! vitanao Mpanavotra
Ny lova mahasambatra :
Ny fasana resenao.
Mahazo toky fatratra,
Ny mitomany, sasatra :
Ny lanitra vohanao.
Jeso Kristy
Izay nitsangana maraina
Tompon’aina :
Andro Paska, arahabaina.

3 Derao ny voninahiny !
Ankalazao ny heriny,
Fa resy re satana.
Ry tany sy ry lanitra,
Derao Andriamanitra
Akaro ny hosana.
Raiso Tompo,
Raisonao ny voninahitra
Aman-dera :
Ho anao, ry Zanakondry.

30 - Paradisako, ry Jeso

2 Volafotsy, volamena,
Vatosoako Hianao.
Zava-tsoako sy harena
Miafina ao an-danitra ao.
Paradisa ..sns.

3 Zo sy hajako tokoa
Hianao Mpanavotro.
Haingo sarobidy koa,
Satro-boninahitro.
Paradisa ..sns.

4 Zavatra rehetra ho ahy
Hianao, ry Jeso tia ;
Fianinan’ny fanahy,
Fiadanako doria.
Paradisa ..sns.