FFPM 001-010

Cantique N° :

FIHIRANA F.F.P.M

ANDRIAMANITRA RAY

1. NY FIDERANA SY FISAORANA AZY

1 - Andriananahary masina indrindra!

1 Andriananahary
masina indrindra
Ny anjelinao izay
mitoetra aminao
Mifamaly hoe :
Masina indrindra
Andriananahary,
Telo Izay Iray.

2 Andriananahary
masina indrindra
Na tsy hita aza izao
ny voninahitrao !
Masina indrindra
Hianao irery.
Andriananahary,
Telo Izay Iray.

3 Zava-manana aina
samy mankalaza
Sady manambara Anao
Izay tompony izao ;
Hianao irery
no mitahy azy,
Andriananahary
Telo Izay Iray.

4 Andriananahary
feno hatsarana !
He, ny fitahianao
izay mpanomponao,
Tsara dia tsara
ny omenao azy,
Andriananahary
Telo Izay Iray.

5 Andriananahary
masina indrindra
Izahay mpanomponao
ta-hankalaza Anao
Feno fahendrena,
feno fiantrana
Andriananahary,
Telo Izay Iray.

2 - Misaora an'i Zanahary

(Maintimolaly)
1 Misaora an’i Zanahary
Izao olona tontolo izao,
Dia mankalaza Azy
Fa anton’izao rehetra izao.

2 Izay zavatra nomeny
Mahafaly, mahasoa
Toy ny andro fararano
Toy ny andro mipoaka

3 Dia ampitomboy ny sainay
Hahalala ny teninao,
Hahafantatra marina
Izay sitraky ny fonao.

3 - Isaorana anie Andriamanitsika

1 Isaorana anie
Andriamanintsika,
Fa fitahiam-be
Omeny ho antsika ;
Hatreo am-bohoka
Ka mandraka antitra
Isika henika
Ny soan’ny lanitra.

2 Tsy mety tapitra
Na lany ny hareny ;
Tsy hita faritra
Ny sisa izay homeny :
Fanahy sambatra
Sy fo miadana
No efa santatra
Izay ananana

3 Ny Ray sy Zanaka
Sy ny Fanahy koa,
Derain’ny masina
Ho Tompo iray tokoa ;
Andriamanitray
Be fahasoavana
No anateranay
Izay fisaorana.

4 - Mamy ny fitianao

1 Mamy ny fitianao,
Ry Jehovah Tomponay ;
Foinao ny Zanakao,
Ho Mpanavotra anay
Tsy mba misy tokinay
Afa-tsy ny Zanakao.
Ka misaotra Anao izahay
Noho ny fitianao.

2 Mamy ny fitianao,
Mahafaly fo tokoa ;
Izahay avelanao
Mba hibebaka avokoa.
Lasa lavitra izahay,
Nefa notadiavinao ;
Efa ratsy izahay
Nefa tsy nafoinao.

3 Mamy ny fitianao,
Izay andraisanao anay
Honina ao an-dapanao
Raha ho faty izahay ;
Noho ny ratsy izay natao,
Loza no anjaranay,
Nefa namboaranao
Paradisa izahay.

4 Mamy re, ry Tomponay !
Izao fitianao izao.
Ka indreto izahay
Avy mba hisaotra Anao
Raiso re izao saotra izao
Fa fanati-tsitrapo ;
Tsy mba mendrika ho Anao,
Nefa vokatry ny fo.

5 - Jehovah, Ray an-danitra

1 Jehovah, Ray an-danitra,
Mpamelona anay !
Tsinjovy ny mpanomponao,
Tsarovy izahay.

2 Jehovah, Ray mamindra fo !
Henoy ny hatakay ;
Ekeo sy raiso ho Anao
Ny dera entinay.

3 Jehovah, Ray mahari-po !
Vonoy ny helokay ;
Diovy ny fanahinay,
Velomy izahay.

4 Jehovah Ray ! ny antranao
No itokianay ;
Ambara-pahafatinay
Hisaoranay Hianao.

6 - Avia, miondreha

1 Avia miondreha,
Ry vazan-tany ô !
Fa lehibe Jehovah,
Sy masina tokoa ;
Miankohofa tsara,
Manatona Azy izao,
Haneho fanajana
Ilay Mpanao anao.

2 Andriananahary,
Manaiky izahay
Fa Aminao ny hery
Tsy hay toherina ;
Tsy misy maharara
Ny tianao hatao,
Fa Hianao Mpitondra
Izao rehetra izao.

3 Re any lavitra any
Izao ny herinao,
Ka isam-bazan-tany
Hiondrika Aminao ;
Mpanjaka sy Mpitsara
Mahery Hianao ;
Miadana ny tany
Miankina Aminao.

7 - Misaora an'Andriamanitra

1 Misaora an’Andriamanitra,
Izay nanao ny lanitra,
Namorona ny tany koa
Sy izay rehetra mahasoa

2 Derao ny voninahiny,
Ankalazao ny heriny,
Jereo ny fitiavany
Tsy tambonao tononina

3 Dia avy izahay izao,
Ry Tompo be fitia ô !
Miondrika eo imasonao
Midera ny Anaranao

4 Isaorana mandrakizay
Hianao, Andriamanitray !
Ny haja be indrindra izao
Atolotray mpanomponao.

8 - Dera, Laza, Hery, Haja

1 Dera, laza, hery, haja,
Ho an’Andriamanitra
Tompon’aina, Zanahary,
Rain’ny voninahitrao.
Izy no Mpanao antsika
Sady ivelomana ;
Fototr’aina, foto-tsoa,
Izy ivavahana :
Hihira isika hoe :
Haleloia !
Dera ho an’Andriamanitra.

2 Ray tsy toha, tsy miova,
Tia sy mamindra fo,
Mahasoa isan’andro,
Izy no isaorana ;
Vatolampy tsy mifindra,
Tokin’ny olombelona ;
Fiarova-mahavonjy,
Izy itokianay :
Hihira isika …sns.

9 - Ry Tompo Zanaharinay!

1 Ry Tompo Zanaharinay !
Manati-tsaotra izahay,
Fa efa novelominao
Ka tratr’izao anio izao.

2 Ny aizina efa lasa izao,
Mazava no naposakao ;
Levony koa ny otanay,
Ka hazavao ny hevitray.

3 Ny asanay hatao anio
Atrehonao ka mba tahio,
Hatao ho voninahitrao,
Handraisanay ny antranao.

4 Derainay Hianao, ry Ray !
Derainay Jeso Tomponay.
Derainay ny Fanahy koa,
Derainay fa Mpanisy soa.

10 - Ry Tomponay Tsitoha ô!

1 Ry Tomponay Tsitoha ô !
Mpanao izao tontolo izao,
Ankalazainay Hianao
Fa lehibe ny herinao.

2 Ny hiran’ny anjelinao
Manerana ny lanitra
Manehoeho fatratra
Ny hobin’ny voavotra.

3 Fa masina, fa masina
Fa masina i Jehovah !
Ka henika ny lazanao
Ny tany sy ny lanitrao

4 Ireo mpitory irakao
Mihoby eo anilanao,
Nahefa fanompoana,
Nihira ny fisaorana.

5 Izao olona rehetra izao
Dia mino sy manaiky Anao
Ho Ray tsy miova sady to,
Mahery sy Mpamindrafo.

6 Ny Zanakao nirahinao
Sy ny Fanahy Masinao
Isaoranay Anao, ry Ray,
Fa foto-pamonjena anay !

7 Ry Kristy ô, Mpanjakanay,
Mitovy hery amin-dRay
Ny fitiavanao anay
No nisoloanao anay.

8 Ny lozam-pahafatesana
Novanao ho fiainanana,
Izany no hiananay
Na eto na rahatrizay.

9 Ao an-kavanan-dRainay ao
No itoeranao izao,
Fa mbola hidina indray,
Hitsena sy handray anay.

10 Ka faly fa haíditra
Ho mponina ao an-danitra
Izahay izay navotanao,
Hiombon-dova Aminao.

11 Tariho làlana izahay
Vimbinonao ny dianay
Ho isan’andro vaky izao
Hambaranay ny lazanao.

12 Vonjeonao ry Tompo ô !
Vonoy ny ratsy ao am-po,
Ka hasoavy izahay,
Ambara-pahafatinay.

13 Fa lehibe ny antranao,
Mahery koa Hianao,
Ka dia matoky izahay,
Ry Tompo Zanaharinay.